Fylgiskjalaseríur í fjárhag

Fylgiskjalaseríur í fjárhag

Þegar verið er að bóka í fjárhagsdagbók fer stundum vinna í að finna út hvaða fylgiskjalsnúmer á að nota næst. dk býður nú upp á að stofna fylgiskjalaseríursem er svo hægt að sækja inni í fjárhagsdagbók. Þegar valið er að nota fylgiskjalaseríu heldur hún utan um næsta ónotaða númer í skráningu dagbókar.

Til að stofna fylgiskjalaseríu er farið í Fjárhagur > Uppsetning > Fylgiskjalaseríur > INS Ný

Hér er auðkenni fylgiskjalaseríunnar sett inn í reitinn sería. Þar sem fylgiskjalaseríur vinna á bókhaldstímabilum er viðeigandi bókhaldsár sett inn í bókhaldstímabil og heiti hennar t.d. gjaldareikningar, bankafærslur eða almenn fylgiskjöl sett undir lýsing. Fyrsta fylgiskjalsnúmerið fyrir seríuna er skráð undir upphafsstaða og núverandi staða heldur utan um talningu fylgiskjalsnúmera. Ef komið er inn á bókhaldsárið þegar fylgiskjalasería er stofnuð er síðasta notaða fylgiskjalsnúmer skráð undir upphafsstaða.  Ef heimila á breytingar á fylgiskjalaröðinni í dagbók er hakað í „má breyta í dagb.skráningu“. Smella að lokum á F12 Skrá til að vista.

Athugið að ef númeraröðinni er breytt í fjárhagsdagbók þarf að fella seríuna og stofna nýja.

Dagbók

Til að nota fylgiskjalaseríu í dagbók er farið undir Fjárhagur > Dagbók > INS Ný. Þegar búið er að opna dagbókina er sett inn lýsing, bókhaldstímabil og svo er hægt að velja um að nota tiltekna fylgiskjalaseríu. Hana má velja með því að smella í reitinn fylgiskjalasería og annað hvort ýta á F2 á lyklaborðinu eða punktana þrjá hægra megin í reitnum. Þá kemur upp listi yfir þær seríur sem tilheyra bókhaldsárinu.

Þegar búið er að velja fylgiskjalaseríu er smellt á F12 og hoppar bendillinn yfir í skráningarglugga dagbókarinnar. Næsta númer í fylgiskjalaseríunni birtist þá í dálkinum fylgiskjal. 

Nú er hægt að bóka eins og venjulega.

Vandamál

Fylgiskjalaseríur eru notaðar á ýmsum stöðum í dk s.s. innheimtukröfum, innkaupakerfi, lánardrottnum og bankahreyfingum. Það hefur stundum komið upp að þegar bankasería er notuð ásamt fylgiskjalaseríum að dagbókin tekur upplýsingar frá seríum sem eru uppsettar undir Fjárhagur > Uppsetning > Fylgiskjalaseríur. Lausnin við því er að stofna banka-fylgiskjalaseríu undir fylgiskjalaseríur. Það þarf að passa að bankafylgiskjalaserían sé fyrsta serían.

• Related Articles

• Verktakamiðar í fjárhag

  Verktakamiðar í fjárhag Hægt er að stofna verktakamiða í gegnum tilvísanir í fjárhag. Skref 1 Stofna tilvísun ef hún ekki nú þegar til Fjárhagur > Uppsetning > Tilvísanir > INS Ný Mikilvægt er að fara yfir fjárhagshreyfingarnar og athuga hvort ...

• Innlestur kortauppgjöra í fjárhag

  Innlestur kortauppgjöra í fjárhag Farið er í fjárhag og valið viðeigandi kortauppgjör. Fjárhagur > Vinnslur > Valitor - Kortuppgjör > Uppfletting (Kortauppgjör) Gott er að bæta við dálkunum "Bókuð", "Fylgiskjal", "'PaidDate", og "Uppfærð", með því að ...

• Uppsetning deilda í fjárhag

  Uppsetning deilda í fjárhag 1. Opna þarf fyrir tengingu deilda við bókhaldslykla. Ef það hefur ekki verið gert kemur upp villumelding um að ekki sé hægt að bóka á valinn bókhaldslykil með valinni deild. Almennt > Víddir > Deildir > Hafa deildina ...

• Bakfæra fylgiskjal í fjárhag

  Bakfæra fylgiskjal í fjárhag Hægt er að bakfæra stakt fylgiskjal í fjárhag. Byrjað er á að stofna fjárhagsdagbók og fylla út helstu upplýsingar eins og lýsingu og bókunarár. Síðan er smellt í skráningarsvæðið og þar á F5 Valmynd > Bakfæra fylgiskjal. ...

• Innlestur bankahreyfinga í dagbók

  Innlestur bankahreyfinga í dagbók Í viðhengi má sjá leiðbeiningar fyrir innlestur bankahreyfinga í dagbók.