Uppsetning deilda

Uppsetning deilda 

Þegar notaðar eru deildir í dk þurfa allar færslur fyrirtækisins að vera deildarmerktar. 

Þegar tekin er upp notkun á deildum í dk þarf að byrja á því að:

1. Uppfæra allar dagbækur (launakerfi, fjárhag, sölu).

2. Setja deildir í leyfi (hafa samband við söludeild dk sem gengur frá þessu fyrir ykkur, ef það hefur ekki verið gert). 

3. Almennt > Fyrirtæki > Almennar Stillingar > Haka þar við að "nota víddir" og "deildir"  (til að virkja deildirnar). 

4. Stofna deildir undir Almennt > Víddir > Deildir (t.d. 00 Sameiginleg , 01 Reykjavík, 02 Akureyri, 03 Verkstæði). Við mælum alltaf með að eiga eina deild sem er sameiginleg fyrir efnahagsfærslur. Nema það sé deildaskiptur efnahagur.

5. Í launum þarf að setja deildamerkingu á alla launþega. Það er gert á launþeganum sjálfum undir Laun > Launþegar > Opna launþegaspjaldið > Flipinn "Víddir".

      Ef launþegi er að vinna í annari deild, sem þú villt að launakostnaðurinn gjaldfærist á, þá breytiru því í launakeyrslunni sjálfri.  Einnig er hægt að skipta launum á milli tveggja eða fleiri deilda í launaútreikningi.

      Síðan þarf að deildmerkja allar skuldfærslur undir bókhaldstengingunni , Laun > Launauppsetning > Bókhaldstenging. Yfirleitt er efnahagsdeild sett á þessar skuldfærslur.

6. Setja þarf deildir á bókunarflokka (sölubókunarflokk (01), innkaupabókunarflokk(00), Skuldunautabókunarflokk(00), lánardrottnabókunarflokk(00).

      Sölubókunarflokkar eru undir Birgðir > Uppsetning > Sölubókunarflokkar.

      Innkaupabókunarflokkar eru undir Birgðir > Uppsetning > Innkaupunarflokkar.

      Skuldunautabókunarflokkar eru undir Skuldunautar > Uppsetning > Bókunarflokkar.

      Lánardrottnabókunarflokkar eru undir Lánadrottnar > Uppsetning > Bókunarflokkar.

Yfirleitt er efnahagsdeildin sett á skuldunauta- og lánardrottna bókunarflokkana, því að þær færslur tilheyra efnahagnum. Ef það er deildarskiptur efnahagur þá er uppsetningin talsvert flóknari. 

Best er að setja deild á sölu- og innkaupabókunarflokka, því að ef gleymist að skrá deild á vörunúmer eða á reikning, þá pikkar kerfið a.m.k. upp einhverja deild og tekjufærir.

7. Setja deild á starfsmenn (ef þeir eru fastir á deild). 

      Það er gert á spjaldi starfsmanna undir Starfsmenn > Starfsmenn > Opna spjald starfsmannsins > Flipinn "Víddir". 

8. Setja deild á birgðageymslur – ef verið er að nota birgðageymslur.

      Birgðir > Uppsetning > Birgðageymslur > Opna birgðageymsluna > Flipinn "Víddir".

9. Fara undir Sölureikningar > Uppsetning > Almennar stillingar > Sölureikningar-Almennt > Haka þar við að „Slá inn deild“. 

 

10. Óþarfi er að setja deildir beint á vöru/skuldunaut/lánardrottinn, en það er hægt ef það á við. 

      

11. Ef áður hafa verið bókaðar færslur án deilda þarf að setja deildir á allar hreyfingar fyrirtækisins sem ekki hafa deildir. Þegar notaðar eru deildir þurfa allar færslur fyrirtækisins að vera deildarmerktar. 

      Hægt er að keyra deild á allar fjárhagsfærslur fyrirtækisins undir Almennt > Víddir > Deildir > F5 Valmynd > Setja deild á hreyfingar. Þar veluru sameiginlegu deildina, dk keyrir þá deild á allar fjárhagsfærslur í fyrirtækinu. 

     - Setja deild 00 (sameiginlega deildin) á alla efnahagslykla.

12. Tengja þarf deildir við bókhaldslykla undir Almennt > Víddir > Deildir > Hafa deildina valda svo línan er grá > F5 Valmynd > Tenging við bókhaldslykla > Haka við þá lykla sem bóka má umrædda deild á. 

      Gott er að tengja sameiginlegu deildina við alla efnahagslykla.

13. Hægt er að breyta deildum á fjárhagsfærslum í uppflettingum í fjárhag. Fjárhagur > Uppflettingar > Hreyfingar > Fletta upp hreyfingunum > F5 Valmynd > Breyta færslum > Breyta deild. 

• Related Articles

• Uppsetning endurhæfingarsjóður

  1. Vinsamlegast athugið að það má ekki vera launakeyrsla í gangi þegar hakað er við “endurhæfingarsjóður fylgir lífeyrissjóði" og bóka alla óbókaðar launakeyrslur. Laun > Uppsetning > Almennar stillingar > Laun – Almennt > Endurhæfingarsjóður fylgir ...

• Samþykktarkerfi uppsetning og virkni

  Samþykktarkerfi Uppsetning Ef starfsmaður á að vera samþykkjandi, þá þarf að fara undir Starfsmenn > Starfsmenn, tvísmella á starfsmanninn og haka í „Samþykkjandi ld. reikninga“ Það þarf að tryggja að notendanöfn inn í dk bókhaldskerfinu séu tengd ...

• Strikamerkjavinnslur - uppsetning

  Strikamerkjavinnslur - uppsetning Uppsetning strikamerkjavinnslu fyrir vörur sem eru seldar innan fyrirtækis. (Forskeyti 112...) Birgðir > Strikamerkjavinnslur > Uppsetning Hér er hakað við "Leyfa úthlutun á strikamerkjum". Fylla síðan inn númerin ...

• Serial númer, uppsetning og leiðbeiningar

  Leiðbeiningar um uppsetningu og notkun á serial númerum.

• GLN merkja skuldunaut

  GLN merkja skuldunaut Þegar það þarf að setja GLN númer á skuldunaut sem móttekur rafræna reikninga þá er það sett á flipann "Sendingarmátar" á skuldunautaspjaldinu. GLN númer er sett í dálkinn "kostnaðarstaður" og í "Tegund kostnaðarstaðar" er valið ...