Góðan daginn,

Sandbox er prófunarumhverfi fyrir forritara. Hægt að setja upp vefsíðu og prófa með raungögnum fyrirtækisins, án þess að hafa áhrif á þau.

Samantekt á mögulegum aukakostnaði

• Greitt er fyrir fjölda fyrirtækja samkvæmt leyfi (hversu mörg fyrirtæki má stofna í dk).

• Greitt er fyrir aukalegan dkPlus-notanda og það gagnamagn sem er notað.

Skref fyrir skref

1) Stofna Sandbox-fyrirtæki í dk

1. Farið í Grunnur > Stofna fyrirtæki.

2. Nefnið fyrirtækið skýrt, t.d. „Sandbox – [Nafn fyrirtækis]“.

Athugið: Ef leyfið ykkar nær ekki yfir aukafyrirtæki gæti þurft að hafa samband við söludeild til að hækka leyfið.

2) Afrita gögn og flytja inn í Sandbox

1. Farið í Verkfæri > Gagnaflutningur > Fyrirtæki > Flytja út gögn (úr núverandi fyrirtæki).

2. Farið síðan í Sandbox-fyrirtækið og veljið Verkfæri > Gagnaflutningur > Fyrirtæki > Flytja inn gögn.
   

3. Farið inn í Sandbox fyrirtækið, takið út að nota rafræna reikninga og að senda ekki tölvupóst á skuldunauta.

3) Stofna fyrirtækið í dkPlus og bæta við notanda

1. Fyrirtækið mun stofnast þegar notanda er boðið inn í fyrirtækið.

Þá greiðir fyrirtækið fyrir þennan dkPlus-notanda og það gagnamagn sem notað er.

Valfrjálst: Ef notandinn á ekki að hafa aðgang að öllum gögnum er hægt að setja hann í réttindahóp í dkPlus.

4) Stofna auðkenningartákn (token) og afhenda forritara

• Stofnið auðkenningartákn (token) fyrir notandann, afritið það og sendið forritara.

Athugið: Þið getið annað hvort:

• stofnað token sjálf, eða

• veitt forriturum aðgang að dkPlus svo þeir geti stofnað token sjálfir.